سری گورو ارجن دیو جی کی برسی پر دنیا کے متعدد ممالک سے سکھ یاتریوں کی پاکستان آمد

نارووال (پی پی آئی) کرتارپور میں سری گورو ارجن دیو جی کی 417 ویں برسی پر دنیا کے متعدد ممالک سے یاتری پاکستان پہنچے ہیں۔ان میں بھارت سے آئے ہوئے 176 سکھ یاتری بھی شامل ہیں۔پی پی آئی کے مطابق کرتارپور میں سکھ یاتری 2 روز قیام کریں گے اور اپنی مذہبی رسومات ادا کریں گے وہ کرتارپور کو مکمل طور پر وزٹ بھی کریں گے۔ علاوہ ازیں انتظامیہ کی جانب سے کرتارپور میں سکھ یاتریوں کی رہائش، میڈیکل، ٹرانسپورٹ اور سیکیورٹی کے مکمل طور پر انتظامات موجود ہیں۔