پی ٹی آئی رہنما علی عباس گل آغا نے بھی تحریک انصاف سے لاتعلقی کا اعلان کر دیا

شیخوپورہ (پی پی آ ئی) پی ٹی آئی رہنما علی عباس گل آغا نے بھی تحریک انصاف سے لاتعلقی کا اعلان کر دیا۔میڈیا ذرا ئع کے مطابق تحریک انصاف کے سابق ٹکٹ ہولڈر علی عباس گل نے پی ٹی آئی چھوڑنے کا اعلان کر دیا، وہ شیخوپورہ کے پی پی 137 سے ٹکٹ ہولڈر تھے۔ انہوں نے 9مئی کے پر تشدد واقعات کی مذمت کرتے ہو ئے پارٹی کو خیر باد کہہ دیا۔علی عباس گل آغا کا کہنا ہیکہ مسلسل ایک سال سے فوج مخالف بیانئے کو دیکھ رہے تھے، اسی ایجنڈکے سبب 9 مئی کا واقعہ رونما ہوا، پاک فوج ہمارا فخر ہے، میں کسی شرپسند پارٹی کا حصہ نہیں رہ سکتا، پی ٹی آئی سے لاتعلقی کا اعلان کرتا ہوں۔