بلجیئم میں پاکستان زندہ باد اور استحکامِ پاکستان کار ریلی

بلجیئم(پی پی آئی)بلجیئم میں پاکستان زندہ باد اور استحکامِ پاکستان کار ریلی کا اہتمام معروف سیاحتی مقام اٹومیئم اسکوائر پر کیا گیا۔اس کار ریلی کا اہتمام ای یو پاک بلجیئم فیڈریشن کے صدر چوہدری زاہد رضا بھدر نے کمیونٹی رہنما سردار صدیق خان اور ہم ہیں پاکستان آرگنائزیشن بلجیئم کے صدر فرید خان کے مشترکہ تعاون سے کیا۔پی پی آئی کے مطابقکار ریلی کے شرکا نے ہاتھوں میں سبز ہلالی پرچم، شہدائے افواجِ پاکستان اور آرمی چیف جنرل عاصم منیر کی تصاویر اٹھا کر اٹومیئم اسکوائر کی مختلف شاہراہوں پر افواجِ پاکستان سے بھرپور یکجہتی کا اظہار کیا۔کار ریلی میں بلجیئم میں مقیم پاکستانی کمیونٹی رہنماؤں اور دیگر سیاسی اور سماجی اہم شخصیات نے بھی شرکت کی۔