اللہ تعالیٰ کی شکر گزار،آج 72 سال کی ہو گئی: شیریں مزاری

اسلام آباد (پی پی آئی)سابق پی ٹی آئی رہنما شیریں مزاری کا پارٹی چھوڑنے کے بعد پہلا ٹوئٹ سامنے آیا ہے۔ٹوئٹر پر اپنے پیغام میں ان کا کہنا تھا کہ اللہ کی نعمتوں پر شکر گزار ہوں اور آج میں 72 سال کی ہو گئی ہوں۔اپنے پیغام میں ان کا کہنا تھا کہ زندگی میں بہت نشیب و فراز دیکھے ہیں،  انھوں نے ڈیلن تھامس کی ایک بھی نظم شیئر  کی اور لکھا کہ یہ نظم ہمیشہ سے میری زندگی کا حصہ رہی ہے۔شیریں مزاری نے اپنے ٹوئٹر پیغام میں کہا کہ اس نظم کی گونج ہر گزرتے سال کے ساتھ بڑھتی جا رہی ہے۔پی پی آئی کے مطابق نو مئی کے واقعات کے بعد پی ٹی آئی رہنما نے 23 مئی کو پارٹی اور سیاست چھوڑنے کا اعلان کیا تھا اوراس موقع پر نو مئی کے واقعات کی مذمت کی تھی۔