اسلام آباد (پی پی آئی) اسلام آباد کی احتساب عدالت نے سابق وزیراعظم شاہد خاقان عباسی اور دیگر کی عدالتی دائرہ اختیار سے متعلق درخواستوں پر فیصلہ پھر موخر کر دیا۔پی پی آئی کے مطابق احتساب عدالت کے جج محمد بشیر کی رخصت کے باعث سماعت بغیر کارروائی ملتوی کی گئی، احتساب عدالت نے فیصلے کے لیے 4 اگست کی نئی تاریخ مقرر کر دی۔عدالتی عملے نے کہا کہ 4 اگست کو نیب آرڈیننس کے تحت دائر درخواستوں پر فیصلہ سنایا جائے گا۔درخواست دائر کرنے والوں میں شیخ عمران الحق، آغا جان اختر، سعید احمد خان، عبدالصمد داؤد اور چوہدری محمد اسلم ملزمان شامل ہیں۔پی پی آئی کے مطابق ملزمان نے اپنی درخواست میں موقف اپنایا ہے کہ نیب آرڈیننس کے تحت یہ ریفرنس اس عدالت کا دائرہ اختیار نہیں بنتا جبکہ شاہد خاقان عباسی اور ان کے بیٹے عبداللّٰہ شاہد نے نیب آرڈیننس کے تحت درخواست دائر نہیں کی تھی۔
Next Post
سیدنا فاروق اعظم کایوم شہادت انتہائی عقیدت واحترام سے منایاجائیگا
Tue Jul 18 , 2023
کراچی (پی پی آئی)سیدنا فاروق اعظم کا یو م شہادت یکم محرم الحرام کو ملک بھر میں انتہائی عقیدت و احترام سے منایا جائے گا۔پی پی آئی کے مطابق ملک کے تمام بڑے شہروں میں جلسے،سیمینار اور دیگر تقریبات منعقد کی جائیں گی کیونکہ سیدنا عمر بن خطاب مراد رسول […]