کراچی (پی پی آئی)کراچی امریکن اسکول کی 17سالہ طالبہ انیقہ بشیرکی درخواست پر امیر خسرو روڈ پر واقع برگد کے33 درختوں کو ”سبز محفوظ ثقافتی ورثہ“ قرار دے دیا گیا ہے۔پی پی آئی کے مطابق انیقہ بشیر کا کہنا ہے کہ جب وہ نرسری کی طالبہ تھی تو امیر خسرو روڈ پر سفر کرتی تھی‘ اس سفر کے دوران برگد کے بڑے تنوں اور پتوں کی ٹھنڈی چھاؤں اور سڑک پر ان کا پھیلاؤ دیکھ کر ان کو برگد کے درختوں سے پیار ہوگیا۔انیقہ نے میئر کراچی مرتضی وہاب کو خط لکھا جس کے جواب میں امیر خسرو روڈ پر واقع برگد کے33 درختوں کو ”کمشنر کراچی کے ایک حکم نامے کے مطابق”سبز محفوظ ثقافتی ورثہ“ قرار دے دیا۔ حکم نامے کے مطابق کوئی بھی فرد یا تنظیم نے ان درختوں کو نقصان پہنچایا تو اس کے ساتھ سندھ ثقافتی ورثہ ایکٹ1994کے تحت سختی سے نمٹا جائے گا۔اپنے اگلے منصوبے کے بارے میں انیقہ بشیر کا کہنا ہے کہ وہ ”نوجوانوں کی ماحولیاتی ذمہ داری ایکٹ“کے نفاذ کے لئے ایک مہم کی سربراہی کررہی ہے۔ اس ایکٹ کے مطابق گریجویشن کرنے والے ہر طالب علم کو ایک درخت لگانا ہوگا۔
Next Post
میرے خلاف فیصلے سے قبل ثاقب نثار نے پیغام بھجوایا تھا، طلال چوہدری کا دعویٰ
Wed Aug 2 , 2023
لاہور(پی پی آئی)مسلم لیگ (ن) کے رہنما طلال چوہدری نے دعویٰ کیا ہے کہا ہے کہ ان کے خلاف فیصلے سے پہلے سابق چیف جسٹس ثاقب نثار نے انہیں پیغام بھجوایا تھا، وہ پیغام کیا تھا طلال چوہدری نے یہ نہیں بتایا۔ پی پی آئی کے مطابق لاہور میں پریس […]