دبئی(پی پی آئی)دبئی میں گداگروں کے خلاف مہم میں ایشیائی گروہ گرفتار کیا گیا ہے جس میں اطلاعات کے مطابق پاکستانی بھی شامل ہیں الامارات الیوم کے مطابق دبئی پولیس نے بیان میں خبردار کیا کہ’گداگروں کے ساتھ ہمدردی اور انہیں بھیک دینے سے گریز کیا جائے۔ یہ لوگوں کی ہمدردی حاصل کرنے کے لیے طرح طرح کے افسانے گھڑ لیتے ہیں‘۔گداگرعبادتگاہوں یا ہسپتال کے باہرکھڑے ہوتے ہیں۔ بازاروں اور سڑکوں میں بھی یہی کام کرتے ہیں‘۔ دبئی میں جرائم کا سراغ لگانے والے ادارے کے ڈائریکٹر میجر جنرل جمال الجلاف نے کہا کہ’دبئی پولیس ملکی اور بیرونی پارٹنرز کے تعاون سے گداگری کے انسداد کا مشن جاری رکھے ہوئے ہے‘۔پی پی آئی کے مطابق ادارے کے ڈائریکٹر نے کہا کہ گداگروں کے حوالے سے دبئی پولیس ایپلی کیشنز اور ای کرائمز کی رپورٹ کے لیے مختص پلیٹ فارم ’ای کرائم‘ کے ذریعے مطلع کیا جائے۔
