کوئٹہ میں نا معلوم افرادکاحملہ، نیشنل پارٹی کے رہنما دوران کھوسہ زخمی،ہسپتال منتقل

 کوئٹہ  (پی پی آئی)کوئٹہ میں نا معلوم افراد کی فائرنگ سے نیشنل پارٹی کے رہنما دوران خان کھوسہ زخمی ہو گئے جنہیں ہسپتال منتقل کر دیا گیا۔پی پی آئی کے مطابق فائرنگ کا افسوس ناک واقعہ سریاب روڈ پر پیش آیا جہاں نامعلوم افراد نے اندھا دھند فائرنگ کر دی جس کی زد میں آ کر دوران خان کھوسہ لہولہان ہو گئے۔اطلاع ملنے پر ریسکیو عملہ موقع پر پہنچا اور نیشنل پارٹی کے رہنما کو ابتدائی امداد مہیا کر کے فوری ہسپتال منتقل کر دیا۔ پولیس نے تحقیقات شروع کر دیں۔