ولہار اسٹیشن کا نام شہید کی مین حیدر علی سے منسوب

سکھر (پی پی آئی)پاکستان ریلوے نے سکھر ڈویژن میں کی مین حیدر علی کی نائٹ پٹرولنگ ڈیوٹی کے دوران دہشت گردوں کی فائرنگ سے شہادت کی قربانی کوسراہتے ہوئے ولہار ریلوے سٹیشن کا نام تبدیل کرکے شہید حیدر علی رکھ دیا ہے،جب کہ شہید حیدر علی کا نام تمغہ شجاعت کے لیے بھی مجاز اتھارٹی کو بھیجا گیا ہے،پی پی آئی کے مطابق رواں سال یکم مارچ کو ولہار اور ماچھی گوٹھ کے درمیان بعض تخریب کار ریلوے پٹری اکھاڑنے کی کوشش کررہے تھے،اس کا ہتہ کی مین حیدر علی کو چلا تو وہ رات ڈیڑھ بجے موقعہ پر پہنچا،اوردہشت گردوں کو پکڑنے کی کوشش کی،جس پر اسے گولیاں مار کر شہیدکردیا گیاتھا۔