پرامن لوگوں پر حملہ گھناؤنا عمل، پاکستان میں خودکش حملوں کی مذمت کرتے ہیں: اقوام متحدہ

نیو یارک(پی پی آئی)اقوام متحدہ کے سیکرٹری جنرل انتونیو گوتریس نے پاکستان میں عید المیلاد النبیﷺ کے روز ہونے دہشتگرد حملوں کی مذمت کی ہے۔پی پی آئی کے مطابق  سماجی رابطے کی ویب سائٹ پر اپنے مذمت بیان میں اقوام متحدہ کے سیکرٹری جنرل نے کہا ہے کہ میں جمعہ کو پاکستان میں ہونے والے دہشت گردانہ حملوں کی مذمت کرتا ہوں۔انتونیو گوتریس نے مزید کہا ہے کہ دہشتگرد حملوں میں پرامن، مذہبی تقریبات کے دوران لوگوں کو نشانہ بنایا گیا جو کہ ایک گھناؤنا عمل ہے، حملوں کے ذمہ داروں کا محاسبہ ہونا چاہیے۔