بجلی مزید مہنگی ہونے کا  خدشہ، نئی درخواست نیپرا میں جمع

 اسلام آباد (پی پی آئی) عوام پر نیا بم گرانے کی تیاری، بجلی مزید مہنگی کرنے کی نئی درخواست نیپرا کو دے دی گئی  ہے،نیپرا یکم نومبر کو درخواست پر سماعت کرے گی۔نیپرا کو دی گئی درخواست میں بجلی فی یونٹ 55 پیسے مہنگی کرنے کی استدعا کی گئی ہے۔پی پی آئی کے مطابق    سنٹرل پاور پرچیزنگ ایجنسی کی درخواست منظور ہونے کی صورت میں ڈسکوز کے صارفین پر 8 ارب 37 کروڑ روپے کا مزید بوجھ ڈالا جائے گا، نیپرا میں درخواست ستمبر کی فیول پرائس ایڈجسٹمنٹ کے تحت دی گئی ہے۔سنٹرل پاور پرچیزنگ ایجنسی نے فی یونٹ بجلی 55 پیسے مہنگی کرنے کی درخواست کی ہے، درخواست میں کہا گیا ہے کہ ستمبر میں 12 ارب 92 کروڑ یونٹ بجلی فروخت ہوئی۔