کراچی میں معروف نعت خواں مولانا رحیم اللہ عطاری قاتلانہ حملہ میں جاں بحق

کراچی (پی پی آئی)اورنگی ٹاؤن میں گلشن عطار مسجد کے مؤذن  اور معروف نعت خواں مولانا رحیم اللہ عطاری کو موٹرسائیکل  پرسواردو ملزمان نے فائرنگ کر کے شہید کردیا،  پی پی آئی کے مطابق ان کے چہرے پر دو گولیاں ماری گئی ہیں، واقعے کی جگہ سے نائن ایم ایم گولی کا ایک خول ملا ہے۔جاں بحق رحیم اللہ کے اہلخانہ نے عباسی شہید اسپتال میں میڈیا سے گفتگو کرتے ہوئے کہا کہ فائرنگ کے واقعے کے وقت رحیم اللہ نعت خوانی کی تقریب میں جا رہے تھے، مقتول کا چھ مہینے کا بیٹا ہے اور ان کی کسی سے دشمنی نہیں تھی۔