چمن بارڈر کراسنگ پرسخت ویزا پالیسی کیخلاف احتجاج سے پاک، افغان تجارت معطل

چمن (پی پی آئی)پاکستان کی جانب سے متعارف کرائے گئے سخت ویزا سسٹم کے خلاف چمن بارڈر کراسنگ گراؤنڈ پر ایک ماہ سے جاری دھرنے کے شرکا نے قندھار جانے والی شاہراہ کو بند کر دیا جس کے سبب پاکستان اور افغانستان کے درمیان تجارت معطل ہوگئی۔پی پی آئی کے مطابق سیکڑوں مظاہرین نے فرینڈشپ گیٹ کی طرف جانے والی سڑک پر رکاوٹیں کھڑی کر دی ہیں اور سامان سے لدی کسی بھی گاڑی کو گزرنے کی اجازت دینے سے انکار کر دیا، تاہم افغانستان جانے والے غیرقانونی تارکین وطن کے قافلے معمول کے مطابق رواں دواں رہے۔نگران وزیراطلاعات بلوچستان جان اچکزئی نے تصدیق کی ہے کہ افغانستان واپس جانے والے مہاجرین کے لیے سرحدی گزرگاہ کھلی ہے۔