مولانافضل الرحمان اور ایمل ولی خان پر خودکش حملے کا منصوبہ ناکام، 3  حملہ آو ر گرفتار

پشاور(پی پی آئی) محکمہ انسداد دہشت گردی (کاؤنٹر ٹیررازم ڈیپارٹمنٹ) نے متنی میں کارروائی کے دوران  ایک خودکش حملہ آور کو گرفتارکرلیا۔خودکش حملہ آور کی نشاندہی پر اس کے 2 دیگرساتھیوں کو بھی حراست میں لیا گیا۔سی ٹی ڈی کے مطابق ان دہشت گردوں کا ہدف جے یو آئی کے رہنما مولانا فضل الرحمان اور اے این پی کے رہنما ایمل ولی خان  تھے اور یہ ان پر خودکش حملوں کی تیاری کر رہے تھے۔سی ٹی ڈی کے مطابق گرفتار دہشتگرد داعش خراسان کے رکن ہیں جنہو ں نے اہم سیاسی رہنماؤں کو ہدف بنایا تھا۔ پی پی آئی کے مطابق دہشتگردوں کی نشاندہی پر ان سے 2خودکش جیکٹس اور3 ہیندگرنیڈ بھی برآمد کرلیے گئے۔سی ٹی ڈی نیبتایا کہ دہشتگردوں کو انٹلیجنس بیسڈ آپریشن میں گرفتارکیا گیا۔اس حوالے سے مزید بتایا گیا ہے کہ تینوں دہشتگردوں نے پکتیا افغانستان مرکز سے فدائی ٹریننگ حاصل کی تھی۔