اسلام آباد(پی پی آئی)وزارت قانون و انصاف نے بانی پی ٹی آئی عمران خان کے کیسز سننے والے جج کی ریٹائرمنٹ تک رخصت کی درخواست مسترد کر دی۔ذرائع کے مطابق احتساب عدالت اسلام آباد کے جج محمد بشیر کے رخصت پر جانے کے معاملے میں وزارت قانون و انصاف نے درخواست منظور نہیں کی، جس کے بعد جج محمد بشیر نے اپنی درخواست واپس لے لی۔جج محمد بشیر نے طبیعت کی ناسازی کے باعث 24 جنوری سے 14 مارچ تک رخصت کی درخواست دی تھی۔واضح رہے کہ جج محمد بشیر کی عدالت میں بانی پی ٹی آئی اور بشریٰ بی بی کے خلاف 2 ریفرنسز زیر سماعت ہیں۔ پی پی آئی کے مطابق جج محمد بشیر مدت ملازمت مکمل ہونے پر 14 مارچ 2024کو ریٹائر ہو رہے ہیں۔ انہوں نے ریٹائرمنٹ تک میڈیکل لیو کے لیے درخواست دی تھی۔
Next Post
عدلیہ،چیف جسٹس مخالف مہم،519 سوشل میڈیا صارفین کا ریکارڈ جے آئی ٹی کے سپرد
Sat Jan 27 , 2024
اسلام آباد(پی پی آئی)عدلیہ اور چیف جسٹس آف پاکستان کیخلاف مہم شروع کرنے والے 519 سوشل میڈیا صارفین کا ریکارڈ جے آئی ٹی کے حوالے کردیا گیا ہے۔بتایا جاتا ہے کہ ایف آئی اے سائبر کرائم ٹیم نے عدلیہ اور سپریم کورٹ کے چیف جسٹس قاضی فائز عیسیٰ کیخلاف سوشل […]