پاکستان سے دوبارہ اچھے تعلقات قائم ہونے پر خوشی ہے، ایرانی وزارت خارجہ

تہران(پی پی آئی)ایرانی وزارت خارجہ کے جنوبی ایشیا امور کے ڈائریکٹر جنرل رسول موسوی نے کہا ہے کہ پاکستان سے تعلقات دوبارہ اچھے ہونے پر خوشی ہے، دونوں ممالک کے ذرائع ابلاغ کی ذمہ داری ہے وہ دوستی اور بھائی چارے کے فروغ پر زور دیں۔ پی پی آئی کے مطابق رسول موسوی نے یہ بات دونوں ممالک کے سفرا کی اپنی اپنی ذمہ داریوں پر واپسی کے اعلان کے ساتھ کہی۔