کنزہ ہاشمی کی بھارتی پنجابی فلم “حال کی اے” کا پوسٹر شیئر

کراچی(پی پی آئی)پاکستان ڈرامہ انڈسٹری کی خوبرو اداکارہ کنزہ ہاشمی اور بھارتی اداکار جیسی گل نے سوشل میڈیا سائٹ انسٹا گرام پر اپنی نئی آنے والی بھارتی پنجابی فلم “حال کی اے”  کا پوسٹر شیئر کیا جس میں بتایا گیا ہے کہ فلم کی کہانی امان سندھو اور طیب مدنی نے لکھی ہے جبکہ اسے طیب مدنی، امن پریت سنگھ اور رجوندر سنگھ نے پروڈیوس کیا ہے۔ پی پی آئی کے مطابق پوسٹر میں بتایا گیاہے کہ فلم میں کنزہ  کے علاوہ پاکستانی پنجابی کامیڈین ہنی البیلا بھی جلوہ گر ہوں گے جبکہ فلم کی دیگر کاسٹ میں نشا بانو، سمیر ماہی اور کرم جیت انمول شامل ہیں۔کنزہ ہاشمی اور بھارتی اداکار جیسی گل کی یہ فلم نومبر 2024 میں ریلیز کی جائے گی۔واضح رہے کہ اگست 2023 میں کنزہ ہاشمی بھارتی اداکار کرن واہی کے ساتھ بھارتی گانے میں بھی جلوہ گر ہوئی تھیں۔

Latest from Blog