الخدمت کا سیلاب متاثرین میں مکانات کی تقسیم

کراچی: الخدمت فاﺅنڈیشن نے ضلع کشمور میں 60مکانات سیلاب متاثرین میں تقسیم کردیے ،مکانات کی تعمیر پر 70لاکھ روپے لاگت آئی۔مکانات متاثرین کے حوالے کرنے کے لیے تقریب کا انعقاد کیا گیا،سابق ناظم کراچی نعمت اللہ خان نے تقریب سے خطاب کرتے ہوئے کہا کہ الخدمت فاﺅنڈیشن اللہ اور اس کے رسولﷺ کی رضا کے لیے ملک و قوم کی خدمت کررہی ہے۔ان کا کہنا تھا کہ الخدمت فاﺅنڈیشن مختلف شعبوں میںمستحقین کی خدمت کررہی ہے اور انشا ءاللہ یہ سفر جاری رہے گا۔ الخدمت فاﺅنڈیشن نے غیر ملکی این جی اوز کے تعاون سے سیلاب متاثرین کے لیے مزید150مکانات کی تعمیر کا اعلان بھی کیا۔اس موقع پر قیم جماعت اسلامی سندھ ممتاز سہتوکا کہنا تھا کہ الخدمت فاﺅنڈیشن نے ہمیشہ غریب اور محروم طبقات کی مدد کی ہے ،بارش اور سیلاب سے متاثرہ علاقوں میںبھر پور کام کیا ہے۔