پنجاب کے بعد سندھ میں بھی یکم اپریل کو مسیحی برادری کے لیے ایسٹر کی تعطیل کافیصلہ

کراچی(پی پی آئی) پنجاب کے بعد سندھ میں بھی  یکم اپریل کو مسیحی برادری کے لیے ایسٹر کے موقع پر  عام تعطیل کا اعلان کیا گیا ہے۔ مسیحی برادری  ایسٹر کا تہواراتوار31 مارچ کو منائے گی،عیسائی کمیونٹی بھی اپنے مذہبی عقائد کے مطابق 14 فروری سے روزے رکھ رہی ہے جو 28 مارچ تک جاری ر ہیں گے. پی پی آئی کے مطابق ان کی عید قیامت مسیح یا عیدالفصح (ایسٹر)  22 مارچ اور 25 اپریل کے درمیان ہوتی ہے. دن رات برابر ہونے (21 مارچ) یا اس کے بعد جس تاریخ کو پْورا چاند ہو، اْس کے بعد پہلا اتوار ایسٹر ہوگا۔اس سال ایسٹر 31 مارچ کو ہوگا. پی پی آئی کے مطابق قبل ازیں حکومت پنجاب نے مسیحی برادری کے لیے پیر کے روز کی چھٹی کا اعلان کیا تھا۔

Latest from Blog