پاکستان اسٹاک مارکیٹ میں تیزی،روپے کے مقابلہ میں ڈالر مزید23 پیسے سستا

کراچی(پی پی آئی)پاکستان میں ڈالر کی قدر میں مزید کمی ہو گئی ہے جبکہ اسٹاک مارکیٹ میں پھر تیزی دیکھی جا رہی ہے۔دوران کاروبار انٹربینک میں ڈالر 23 پیسے سستا ہوکر 277روپے80پیسے میں ٹریڈ ہو رہا ہے۔پاکستان اسٹاک ایکسچینج میں جمعہ کو تیزی رہی، 100انڈیکس میں 77پوائنٹس کا اضافہ ہو گیا۔دوران کاروبار انڈیکس 67ہزار220 پوائنٹس پرٹریڈکرتے دیکھاگیا، گزشتہ رو زپاکستان اسٹاک ایکسچینج 100 انڈیکس نے نئی تاریخ رقم کی تھی۔گزشتہ روز کاروبار کے اختتام پر 100 انڈیکس 594 پوائنٹس اضافے سے 67142 کی سطح پربند ہوا۔واضح رہے کہ اس سے قبل پاکستان اسٹاک ایکسچینج میں 100 انڈیکس کی تاریخی بلند ترین سطح 67094 تھی۔

Latest from Blog