عون چودھری کی کامیابی کے خلاف درخواست سماعت کیلئے مقرر کرنے کا حکم

لاہور(پی پی آئی)لاہور ہائی کورٹ میں قومی اسمبلی کے حلقے این اے 128 سے عون چودھری کی کامیابی کے خلاف دائر درخواست پر بطور اعتراض سماعت ہوئی۔لاہور ہائیکورٹ نے رجسٹرار آفس کا اعتراض دور کرکے درخواست کو سماعت کے لیے مقرر کرنے کا حکم دیا۔سلمان اکرم راجہ کی درخواست پر جسٹس فیصل زمان خان نے سماعت کی۔عدالت نے رجسٹرار آفس کو درخواست جسٹس علی باقر کی عدالت میں بھیجنے کی ہدایت کرتے ہوئے کہا کہ پہلے اسی نوعیت کی درخواست پر جسٹس علی باقر نجفی نے سماعت کی تھی۔ پی پی آئی کے مطابقدرخواست میں استدعا کی گئی ہے کہ عدالت عون چودھری کی کامیابی کا نوٹیفکیشن کالعدم قرار دے۔

Latest from Blog