ڈھائی سال قبل اغوا ہونے والی کم سن پریا کماری کی بازیابی کیلئے ریلی

سانگھڑ(پی پی آئی)ڈھائی سال قبل اغوا ہونے والی کم سن پریا کماری کی بازیابی اور سندھ میں ڈاکو کلچر کے خاتمے کے لیے ضلع بھر میں سول سوسائٹی نے بھرپور احتجاج کیا۔شہداد پور،سنجھورو،کھپرواورٹنڈوآدم نیزشاہ پور چاکر میں مظاہرے کئے گئے۔شاہ پور چاکر میں مختلف سماجی تنظیموں اور اسکول کی طالبات نے ریلی نکالی  جس کے شرکا نے پریس کلب کے سامنے احتجاج کرتے ہوئے پریا کماری کی بازیابی کا مطالبہکیا اور یاد دلایا کہ ڈھائی سال ہو گئے  ہیں لیکن پریا کماری کا کوئی سراغ نہیں ملا۔پولیس پریا کماری کی بازیابی میں سنجیدہ نہیں آج پورا سندھ سراپا احتجاج ہے لیکن حکومت اور پولیس خاموش بنے ہوئے ہیں۔پی پی آئی کے مطابق ہندو برادری کے ساجن داس نے میڈیا سے گفتگوکرتے ہوئے کہا سندھ ہماری سرزمین ہے لیکن ہم یہاں خود کو غیر محفوظ محسوس تصورکرتے ہیں ہماری بیٹیوں سے زبردستی مذہب تبدیل کرایا جاتا ہے اور پریا کماری جیسی معصوم بیٹیوں کو اغوا کیا جاتا ہے ہمارے لیے ایسا ماحول بنا دیا گیا ہے کہ ہم یہاں سے نقل مکانی کا سوچ رہے ہیں اگر پریا کماری کو جلد بازیابنہ کرایا گیا تو احتجاج کا دائرہ وسیع کیا جائے گا۔

Latest from Blog