مسلم ورلڈ لیگ کے سیکرٹری جنرل محمد بن عبدالکریم العیسی آج پاکستان پہنچ رہے ہیں

اسلام آباد(پی پی آ ئی)مسلم ورلڈ لیگ کے سیکرٹری جنرل محمد بن عبدالکریم العیسی پاکستان کے نوروزہ سرکاری دورے پر آج اسلام آباد پہنچیں گے۔وزارت مذہبی امور کے مطابق ڈاکٹر محمد بن عبدالکریم پاکستان میں اپنی عید یتیم بچوں کے ساتھ منائیں گے اور فیصل مسجد اسلام آباد میں نماز عید کی امامت کرائیں گے۔معزز مہمان اپنے دورے کے دوران صدر، وزیراعظم، سپریم کورٹ کے چیف جسٹس اور وزیرمذہبی امور سمیت پاکستانی حکام سے ملاقاتیں بھی کرینگے۔ان ملاقاتوں کے دوران فریقین سفارتی تعلقات کے فروغ کیلئے باہمی دلچسپی کے امور پر تبادلہ خیال کریں گے۔

Latest from Blog