زخمی ڈاکو کو گولیاں مار کر ہلاک کرنے والا شہری گرفتار

کراچی(پی پی آئی) کراچی پولیس نے زخمی ڈاکو کو گولیاں مار کر ہلاک کرنے والے شہری کو گرفتار کر لیا، تفصیلات کے مطابق  3 راہزن ایک  نوجوان سے موٹرسائیکل چھین رہے تھے نوجوان نے مزاحمت کی تو رہزنوں نے نوجوان مطیع اللہ کو گولی مار کر زخمی کردیا۔پی پی آئی کے مطابق جب یہ رہزن فرار ہورہے تھے تو شہریوں نے پکڑنے کی کوشش کی تو  انہوں نے عوام پر فائرنگ کی جس سے ان کا اپنا  ساتھی زخمی ہوگیا اور دو ڈاکو زخمی ساتھی کو چھوڑ کر فرار ہوگئے۔ زخمی نوجوان مطیع اللہ کے چچا جاوید نے موقع پر آ کر زخمی ڈاکو کو گولیاں مار کر ہلاک کردیا۔پی پی آئی کے مطابق ویڈیو سامنے آنے پر پولیس نے ڈاکو کو گولیاں مارنے والے شہری جاوید کو گرفتار کرکے مقدمہ درج کرلیا۔