اسلام آباد(پی پی آئی)صدر آصف علی زرداری اور وزیر اعظم محمد شہباز شریف نے بیساکھی کے تہوار پر سکھ برادری کو مبارکباد دی ہے۔اس موقع پر اپنے پیغام میں انہوں نے کہا کہ یہ موقع محبت، خوشی، امن اور پیار کا پیغام دیتا ہے۔انہوں نے کہا کہ پاکستان اپنے متنوع ثقافتی ورثے پر فخر محسوس کرتا ہے۔صدر آصف علی زرداری نے اپنے پیغام میں کہاکہ یہ تہوارمحبت، خوشی، امن اور الفت کا پیغام دیتا ہے۔صدر نے کہاکہ پاکستان اقلیتوں کے حقوق کے تحفظ کیلئے پرعزم ہے انہوں نے ملک کی ترقی کیلئے اقلیتوں کی خدمات کااعتراف بھی کیا۔
اپنے تہنیتی پیغام میں وزیراعظم نے کہاکہ حکومت پاکستان اور تمام صوبائی حکومتیں پاکستان میں اپنے مذہبی مقامات کے دورے پر آئے سکھ یاتریوں کو تمام سہولتوں کی فراہمی یقینی بنارہی ہے۔وزیراعظم نے بیساکھی کو محبت اور خوشیاں بانٹنے کاتہوار قراردیا ہے۔وزیراعظم نے فخریہ طورپر کہاکہ پاکستان نے مختلف مذاہب اور ثقافتوں کا گلدستہ ہے اوربیساکھی کے رنگ اس کی خوبصورتی میں مزید اضافہ کرتے ہیں۔