تحریک انصاف نے 21اپریل سے پنجاب میں جلسوں کا اعلان کردیا

راولپنڈی(پی پی آئی)پاکستان تحریک انصاف نے پنجاب میں جلسوں کا اعلان کردیا،پنجاب میں 21 تاریخ کے بعد جلسوں کی شروعات ہو گی۔ جلسوں کیلئے پنجاب کی قیادت پر مشمل کمیٹی بنادی گئی،کمیٹی جلسوں کیلئے تمام حکمت عملی ترتیب دے گی،حماد اظہر نے کمیٹی میں شامل اراکین کے ناموں کا اعلان کردیا۔پی پی آئی کے مطابق کمیٹی میں ریحانہ ڈار،مہربانو قریشی،زرتاج گل،سیمابیہ طاہر، کنول شوذب شامل ہیں،حافظ حامد رضا،مونس الہی،میجر طاہر صادق، شیخ وقاص اکرم،ملک عامر ڈوگر بھی کمیٹی کا حصہ ہیں،کمیٹی میں سلمان اکرم راجہ،زلفی بخاری،زین قریشی،احمد چھٹہ،ملک احمد خان بچھڑ،معین قریشی،میاں اسلم اقبال شامل ہیں۔ شوکت بسرا،شبیر قریشی،عون عباس بپی،رائے حسن نواز،مہر عبدالستار،اعجاز منہاس،شاداب جعفری،زبیر نیازی بھی کمیٹی میں شامل ہیں۔