جماعت اسلامی کے نومنتخب امیر حافظ نعیم الرحمان آج حلف اٹھائیں گے

لاہور(پی پی آئی)جماعت اسلامی پاکستان کے نومنتخب امیر حافظ نعیم الرحمن 18 اپریل کو منصب امارت کا حلف اٹھائیں گے۔ حلف برداری کی تقریب جماعت اسلامی کے ہیڈ کوارٹر منصورہ لاہور میں منعقد ہوگی۔پی پی آئی کے مطابق تقریب میں مختلف شعبہ ہائے زندگی سے تعلق رکھنے والے افراد شریک ہونگے۔ نومنتخب امیر انجینئر حافظ نعیم الرحمن نے حلف برداری کی تقریب کے فوراً بعد مرکزی مجلس عاملہ اور مرکزی مجلس شوریٰ کا اجلاس طلب کیا ہے جو کہ منصورہ میں ہی تین روز تک (19تا21اپریل) جاری رہے گا۔ امیر جماعت اسلامی حافظ نعیم الرحمن اجلاس کی صدارت کرینگے اور اتوارکو آئندہ کے لائحہ عمل کا اعلان کرینگے۔

Latest from Blog