شاہی سید عوامی نیشنل پارٹی سندھ کے بلامقابلہ صدر اور یونس بونیری جنرل سیکرٹری منتخب

کراچی(پی پی آئی) عوامی نیشنل پارٹی  ڈسٹرکٹ ایسٹ کے نائب صدرلالہ سعید خان نے عوامی نیشنل پارٹی سندھ کے انٹراپارٹی الیکشن میں آئندہ چاربرس کے لیے ایک بار پھر شاہی سید کوبلامقابلہ صوبائی صدر اور یونس خان بونیری کو جنرل سیکرٹری منتخب ہونے پر مبارکباد دی ہے۔پی پی آئی کے مطابق باچا خان مرکز میں مرکزی الیکشن کمیشنر میاں افتخار حسین نے شاہی سید کے بلامقابلہ صوبائی صدر اور یونس خان بونیری  کے جنرل سیکرٹری منتخب ہو نے کا اعلان کیا،ڈسٹرکٹ ایسٹ کے نائب صدرلالہ سعید خان نے توقع ظاہر کی کہ نو منتخب عہدیدار باچا خان کا مشن جاری رکھیں گے جو استعما سے آزادی، امن کا فروغ اور بھائی چارے کا قیام ہے۔