تحریک انصاف کا مولانا فضل الرحمان سے فوری رابطے کا فیصلہ

اسلام آباد(پی پی آئی)پاکستان تحریک انصاف نے مولانا فضل الرحمان سے فوری رابطے کا فیصلہ کر لیا ہے جو سیاسی منظر نامے میں اہم پیشرفت ہے۔ذرائع کے مطابق پی ٹی آئی اور جمعیت علمااسلام کے درمیان دوریاں کم ہونے لگیں،پی پی آئی کے مطابق  تحریک انصاف کی جانب سے جے یو آئی ف کے سربراہ کو احتجاجی تحریک میں شامل ہونے کے لیے باقاعدہ دعوت دی جائے گی۔ذرائع نے بتایا کہ مذاکراتی کمیٹی کے سربراہ اسد قیصر نے پارٹی ارکان سے رات گئے اہم مشاورت کی۔ذرائع کا کہنا ہے کہ گرینڈ الائنس میں شامل جماعتوں کے سربراہان سے بھی رابطے تیز کر دیئے گئے، اسد قیصر نے رابطوں کے حوالے سے پارٹی کی سینئر قیادت سے مشاورت مکمل کر لی ہے۔