موجودہ حکومت کو دوسرے ہی ماہ تجارتی خسارے میں اضافہ

اسلام آباد(پی پی آئی) موجودہ حکومت کے دوسرے ہی ماہ تجارتی خسارے میں اضافہ دیکھنے میں ا ٓیاہے اور نگران حکومت کے آخری دو ماہ کے مقابلے میں موجودہ حکومت کے ابتدائی دو مہینوں کے درمیان برآمدات میں کمی جبکہ درآمدات میں اضافہ ہوا ہے۔ ذرائع کے مطابق نگران حکومت کے آخری دو مہینوں جنوری اور فروری 2024کے دوران برآمدات 5ارب 37 کروڑ 50لاکھ ڈالرز تھیں جبکہ موجودہ حکومت کے ابتدائی دو ماہ مارچ اور اپریل میں برآمدات 4 ارب92 کروڑ10 لاکھ ڈالرز رہیں۔ ذرائعکا کہنا ہے کہ نگرانوں کے آخری 2 ماہ کی نسبت موجودہ حکومت کے 2 ماہ میں درآمدات 50 کروڑ ڈالرز بڑھی ہیں۔ نگران حکومت میں جنوری اور فروری 2024 میں درآمدات کا حجم 9 ارب 9 کروڑ 70 لاکھ ڈالرز تھا جبکہ موجودہ حکومت کے دو ماہ مارچ اور اپریل میں امپورٹس بل 9 ارب59 کروڑ 60لاکھ ڈالرز  آیا ہے۔۔