جیل میں بلیوں اور چھپکلیوں سے مقابلہ کرنا پڑتا ہے:یاسمین راشد

 لاہور(پی پی آئی)پاکستان تحریک انصاف کی رہنما ڈاکٹر یاسمین راشد نے کہا ہے کہ جیل میں انہیں بلیوں اور چھپکلیوں سے مقابلہ کرنا پڑتا ہے۔سابق صدر عارف علوی سے لاہور کی انسدادِ دہشت گردی عدالت میں ملاقات کے دوران یاسمین راشد نے مخالفین کو پیغام دیاکہ جیل میں خوش ہوں، جتنی زیادتیاں کرنی ہیں کرو۔یاسمین راشد کا کہنا تھا کہ مجھے جیل میں بلیوں اور چھپکلیوں سے مقابلہ کرنا پڑتا ہے۔ آدھا دن مقابلے میں اور آدھا دن کتابیں پڑھنے میں گزرتا ہے۔خیال رہے کہ سابق صدر عارف علوی نے یاسمین راشد سمیت عمر سرفراز چیمہ، اعجاز چوہدری اور پی ٹی آئی کے وائس چیئرمین شاہ محمود قریشی سے بھی ملاقات کی اور پوچھا کہ آپ سب لوگ پارٹی کے ساتھ کھڑے ہیں۔

Latest from Blog