سیاسی گفتگو سے اجتناب،اوقات میں رہو گنڈا پور کی کنڈی کو وارننگ

پشاور(پی پی آئی) وزیراعلیٰ خیبرپختونخواعلی امین خان گنڈا پور نے گورنر خیبرپختونخوا فیصل کریم کنڈی کو آڑے ہاتھوں لے لیا، وزیراعلیٰ نے گورنر فیصل کریم کنڈی کو وارننگ جاری کر دی۔پی پی آئی کے مطابق وزیراعلیٰ خیبرپختونخواعلی امین خان گنڈا پور  نے عدالت میں پیشی کے بعد میڈیا ٹاک کرتے ہوئے کہا کہ تمہارے پاس آئینی عہدہ ہے سیاسی گفتگو سے اجتناب کرو، آپ فارم 47 کی حکومت کے نمائندے  ہو، گورنر صاحب  آپ کی گاڑی کا تیل میرے بجٹ سے جاتا ہے آپ کی گاڑی کا تیل بھی نہیں ہو گا گورنر ہاؤس کو عجائب گھر ڈکلئیر کر کے لوگوں کیلئے کھول  دوں گا آپ کو نیچے شفٹ کر دوں گا  اپنی اوقات میں رہو۔ وزیر اعلی خیبرپختوانخوا علی امین گنڈاپور نے گورنر خیبرپختونخوا کی گرانٹ بند کرنے کا اعلان کر دیا۔