ماحول کی بہتری کیلئے نواز شریف ہی کردار ادا کرسکتے ہیں:فواد چوہدری

اسلام آباد(پی پی آئی)فواد چوھدری نے 9مئی کے 2اہم مقدمات میں اپنابیان جمع کروادیا،میڈیا سے گفتگو کرتے ہوئے کہتے ہیں کہ سیاسی ماحول میں بہتری کیلئے نواز شریف ہی کوئی کردار ادا کرسکتے ہیں۔سابق پی ٹی آئی رہنما کی طرف سے وزیراعظم ہاؤس پر حملہ کیس اورن لیگ سیکریٹریٹ پر حملہ کیس پر بھی موقف جمع کروایا،پولیس کا کہنا ہے کہ دونوں مقدمات میں 49 ملزمان کو گرفتار کیا گیا،گرفتار ملزمان کے بیانات،شواہد پر فواد چوہدری کو شامل تفتیش کیا،فواد چوہدری کے ابتدائی جوابات غیر تسلی بخش قرار دئیے گئے ہیں۔سابق وفاقی وزیر فواد چوہدری نے کہا ہے کہ سیاسی ماحول کی بہتری کے لیے نواز شریف ہی کوئی کردار ادا کرسکتے ہیں جب کہ موجودہ وزیر اعظم اور حکمران جماعت کے صدر شہباز شریف کے پاس ’کچھ‘ بھی نہیں ہے۔ نواز شریف کے سخت نقاد رہنے والے فواد چوہدری نے کہا ہے کہ عوام کو بانی پی ٹی آئی عمران خان کے ساتھ کھڑا ہونا پڑے گا ورنہ پاکستان کوئی افریقی ملک بن جائے گا۔اپنی پی ٹی آئی سے وابستگی سے متعلق سوال پر فواد چوہدری نے کہا کہ انہوں نے پی ٹی آئی چھوڑی کب تھی۔نواز شریف کے ساتھ بہتر مذاکرات بہتر ہوسکتے ہیں، شہبازشریف کے پاس کچھ بھی نہیں۔سیاسی ماحول کی بہتری کے لیے نوازشریف ہی کوئی کردار ادا کرسکتے ہیں۔