پشاورپولیس بھرتی ٹیسٹ میں شریک 147جعلی امیدوار گرفتار،مقدمات درج

پشاور(پی پی آئی)پشاور میں پولیس بھرتی ٹیسٹ میں جعلسازوں کا بڑا گروپ بے نقاب ہوگیا، ٹیسٹ کے دوران 147جعلی امیدوار گرفتار کرلیے گئے۔ایٹا حکام کے مطابق بیشتر اْمیدواروں کی جگہ دوسرے امیدوار ٹیسٹ دینے آئے، سب سے زیادہ بنوں میں 59 افراد گرفتار کیے گئے۔پی پی آئی کے مطابق بٹگرام میں 31،کوہاٹ میں 23،مردان میں 9،سوات اورایبٹ آبادمیں 6،6 افراد کو گرفتار کیا گیا،  ڈی آئی خان میں 3،مالاکنڈ،مانسہرہ اورپشاور میں 1،1 امیدوار گرفتارکیے گئے۔ایٹا حکام کا بتانا ہے کہ جعلسازی کرنیوالوں کیخلاف متعلقہ تھانوں میں مقدمات درج کر لیے گئے ہیں، محکمہ پولیس میں بھرتی کیلیے ٹیسٹ 12 مئی کو ہوا تھا جہاں گیارہ سنٹرز میں 13ہزارسے زائد امیدوارپہلے مرحلے میں شریک ہوئے۔