جناح ہاؤس حملہ کیس میں پرویز الہٰی کی درخواست ضمانت قبل ازوقت ہونے پر خارج

لاہور(پی پی آئی)انسداد دہشت گردی عدالت نے جناح ہاؤس حملہ کیس میں رہنما تحریک انصاف چودھری پرویز الہٰی کی درخواست ضمانت قبل از وقت قرار دے کر خارج کردی۔انسداد دہشتگردی عدالت کے جج ارشد جاوید نے سابق وزیراعلیٰ چودھری پرویز الہٰی کی درخواست ضمانت پر سماعت کی۔پی پی آئی کے مطابقدرخواست گزار نے مؤقف اپنایا کہ خدشہ ہے پرویز الہٰی کو جناح ہاؤس حملہ کیس میں گرفتار کرلیا جائے گا،  عدالت ضمانت منظور کرے۔دوران سماعت پراسیکیوشن نے عدالت کو بتایا کہ درخواست ضمانت میں قانونی تقاضے پورے نہیں کیے گئے، پرویز الہٰی کو مقدمے میں گرفتار ہی نہیں کیا گیا۔بعدازاں عدالت نے جناح ہاؤس حملہ کیس میں ضمانت کی درخواست قبل ازوقت قرار دیتے ہوئے نمٹا دی۔

Latest from Blog