کراچی انٹرمیڈیٹ امتحانات 28 مئی کے بجائے یکم جون سے شروع ہوں گے

کراچی(پی پی آئی)کراچی میں انٹرمیڈیٹ کے سالانہ امتحانات برائے 2024 اب 28 مئی کے بجائے یکم جون سے شروع ہوں گے۔پی پی آئی کے مطابق اعلی ثانوی تعلیمی بورڈ کراچی نے وزیر یونیوسٹیز اینڈ بورڈز محمد علی ملکانی کی ہدایت پر نئی تاریخ کا اعلان کردیا۔پ کراچی انٹرمیڈیٹ بورڈ کا کہنا ہے کہ سالانہ امتحانات برائے 2024 اب 28 مئی کے بجائے یکم جون سے شروع ہوں گے، گرم موسم کی وجہ سے میٹرک کے امتحانات کے ملتوی شدہ پرچے اب 28 مئی سے ہوں گے۔انٹر کے امتحانات کے لیے 21 ایسے ہائر سیکنڈری اسکولز کو بھی امتحانی مرکز بنایا گیا ہے جہاں میٹرک کے امتحانات بھی ہونے ہیں، یکساں 21 امتحانی مراکز میں بیک وقت میٹرک اور انٹربورڈز کے امتحانات کا انعقاد ممکن نہیں ہے جس کی وجہ سے انٹر بورڈ کراچی نے انٹرمیڈیٹ کے سالانہ امتحانات آگے بڑھانے کا فیصلہ کیا ہے۔