عامر لیاقت کی نازیبا ویڈیوز کیس میں یوٹیوبر یاسر شامی کی عبوری ضمانت میں توسیع

کراچی(پی پی آئی)مرحوم اینکر پرسن ڈاکٹر عامر لیاقت حسین کی نازیبا ویڈیوز لیک کرنے کے کیس میں ملزم یوٹیوبر یاسر شامی کی عبوری ضمانت میں 6 جون تک توسیع کردی گئی۔ کراچی کی سٹی کورٹ میں ایف آئی اے پراسیکیوٹر کی غیر حاضری کے باعث سماعت ملتوی ہوگئی۔ ملزم یاسر شامی عدالت میں پیش ہوا۔یاسر شامی کے وکیل نے عدالت کے سامنے دلائل میں کہا کہ ملزم لاہور سے آتا ہے کیس کی لمبی تاریخ دی جائے۔ پی پی آئی کے مطابق عامر لیاقت کی سابق اہلیہ بشرہ اقبال کی میڈیا سے گفتگو کرتے ہوئے کہا کہ ہم صبح سے عدالت میں موجود ہیں لیکن ایف آئی اے پراسیکیوٹر نہیں آئے،افسوس ہے کہ ایف آئی اے ہائی پروفائل کیس کو سنجیدہ نہیں لے رہا۔