گوادر(پی پی آئی)پاکستان کوسٹ گارڈز نے گوادر کے علاقے میرین ڈرائیو میں اربوں روپے کی منشیات اسمگل کرنے کی کوشش ناکام بنا دی۔ترجمان کے مطابق پاکستان کوسٹ گارڈزکو خفیہ ذرائع سے اطلاع ملی تھی کہ سمندر کے راستے اربوں روپے مالیت کی منشیات اسمگل ہونے کا خدشہ ہے، جس پر ڈائریکٹر جنرل پاکستان کوسٹ گارڈز نے متعلقہ کمانڈر کو اپنے علاقے میں سرچ آپریشن کرنے کے احکامات جاری کر دئیے۔پی پی آئی کے مطابق کمانڈرنے موبائل گشت پارٹیاں تشکیل دے کر مشکوک مقامات کی نگرانی شروع کر دی اور جھنڈا پوسٹ(میرین ڈرائیو) میں کارروائی کرتے ہوئے مشکوک بوٹ کے خفیہ خانوں میں چھپائی گئی 273 کلو گرام اعلیٰ کوالٹی کی میتھ آئس برآمد کر لی گئی۔پکڑی جانے والی منشیات کی عالمی مارکیٹ میں مالیت 54.3 ملین ڈالر کے لگ بھگ بتائی جاتی ہے۔
Next Post
سولجر بازار کے قریب گھر میں سلنڈر دھماکہ، 8 افراد زخمی
Sat May 25 , 2024
کراچی(پی پی آئی)سولجر بازار تھانے سے ملحقہ گلی کے گھر میں سلنڈر دھماکے باعث 2 بچوں سمیت 8 افراد زخمی ہوگئے۔پی پی آئی کے مطابق سلنڈر دھماکے میں 2 بچوں سمیت 8 افراد زخمی ہوئے جنہیں سول اسپتال کے برنس وارڈ منتقل کر دیا گیا ہے۔