زیر حراست شاعر احمد فرہاد شاہ کا طبی معائنہ

 مظفر آباد (پی پی آئی)زیر حراست کشمیری شاعر احمد فرہاد شاہ کے وکیل کی جانب سے  ان کی درخواست ضمانت کی سماعت کے دوران انسداد دہشتگردی کی عدالت میں طبی معائنے کے حوالے سے اپیل کرنے کے کچھ گھنٹوں بعد شاعر کو مظفرآباد کے ایک اسپتال لے جایا گیا۔میڈیا رپورٹ کے مطابق ابتدائی طور پر یہ درخواست مقامی وکیل سید ذوالقرنین نقوی نے مظفرآباد کی سیشن عدالت میں دائر کی تھی جوانسداد دہشت گردی کی ضلعی عدالت بھی ہے تاہم پولیس کی جانب سے التوا کی درخواست کے بعد جمعہ کو اس پر کارروائی نہیں کی جاسکی کیونکہ پولیس نے مؤقف اپنایا کہ انہوں نے حکومت سے ان کی نمائندگی کے لیے خصوصی پراسیکیوٹر کی تقرری کے لیے کہا ہے۔کیس کی سماعت ہفتے کو دلائل کے لیے مقرر کی گئی اور اسی دوران حکومت کی جانب سے ایڈیشنل ایڈووکیٹ جنرل چوہدری منظور کو خصوصی پراسیکیوٹر مقرر کیا گیا، درخواست گزاروں نے بھی اپنے وکیل کو کرم داد خان عرف کے ڈی خان، فضل محمود بیگ اور کم از کم دو درجن دیگر مقامی وکلا سے تبدیل کردیا۔

Latest from Blog