کندھ کوٹ، ڈاکوؤں کا چوکی پر حملہ،پولیس اہلکار شہید

کندھ کوٹ (پی پی آئی)کندھ کوٹ میں کشمور کے علاقے بڈانی میں ڈاکوؤں کا گنڈیرپولیس چوکی پر حملہ،فائرنگ سے 1 پولیس اہلکار شہید 2 زخمی ہوگئے۔تفصیلات کے مطابق  بڈانی میں پولیس چوکی پرڈاکوں کے جدید اسلحہ سے حملے میں تین پولیس اہلکارزخمی ہوئے دوران علاج ایک اہلکار غلام مصطفیٰ راجپر دم توڑگیا  دیگر دو زخمی اہلکاروں کو تشویشناک حالت میں لاڑکانہ منتقل کردیا گیا۔پولیس ذرائع کے مطابق پولیس مقابلے میں دو ڈاکو بھی زخمی ہوگئے جن کو ڈاکو اپنے ساتھ لے گئے اطلاع پرپولیس کی بھاری نفری نے پہنچ کرڈاکوں سے مقابلہ کیا ڈاکو فائرنگ کرتے ہوئے کچے کے طرف فرار ہوگئے،زخمی اہلکاروں میں صدام سیال اور راجا خان راجپر شامل ہیں۔