ایس آئی ایف سی کی کوششوں سے پاکستان سے نمک برآمد کرنیکی راہ ہموار

 اسلام آباد (پی پی آئی)خصوصی سرمایہ کاری سہولت کونسل کی طرف سے کی گئی کوششیں پاکستان سے نمک برآمد کرنے کی راہ ہموار کررہی ہیں۔پاکستان کے نمک کے ذخائر دنیا کے دوسرے بڑے ذخائر ہیں جبکہ سمندر سے بھی بڑی مقدار میں نمک حاصل کیا جاتا ہے۔سمندر سے نمک حاصل کرکے برآمد کرنے اور اس کو قابل استعمال بنانے پر ماضی میں کوئی خاص توجہ نہیں دی گئی جبکہ حب سالٹ کمپنی نے اس پر ایک غیر مطلوبہ تجویز کے طور پر کام کیا۔یہ تجویز دو سال سے زیر التوا تھی جسے خصوصی سرمایہ کاری سہولت کونسل میں اٹھا یا گیا۔خصوصی سرمایہ کاری سہولت کونسل نے تمام متعلقہ فریقوں کو اکٹھا کیا تاکہ وہ اس تجویز پر غور کریں اور کونسل نے ملکی اور بین الاقوامی سطح پر اس کی اہمیت کو اجاگر کیا۔

Latest from Blog