زرعی شعبہ حکومت کی اولین ترجیحات میں شامل ہے، رانا تنویر حسین

 اسلام آباد (پی پی آئی)قومی تحفظ خوراک و تحقیق کے وزیر رانا تنویرحسین نے کہا ہے کہ زرعی شعبہ حکومت کی اولین ترجیح ہے۔وزارت کے مطالبات زر پر حزب اختلاف کی جانب سے کٹوتی کی تحریک پر اظہار خیال کرتے ہوئے انہوں نے کہا کہ فی ایکڑ پیداوار بڑھانے کیلئے زرعی شعبے میں تحقیق اور جدید ٹیکنالوجی کے استعمال کو بروئے کار لانے کی کوششیں جاری ہیں۔رانا تنویر حسین نے کہا کہ اس سلسلے میں نیشنل ڈویلپمنٹ ریگولیٹری اتھارٹی قائم کی گئی ہے اور خریف کی فصلوں کے لئے ٹارگٹڈ سبسڈی کا عمل جاری ہے۔انہوں نے کہا کہ گنے کے کاشت کاروں کی ادائیگیاں بھی یقینی بنائی جارہی ہیں۔رانا تنویر حسین نے کہا کہ وفاق اور پنجاب کی حکومتوں کی طرف سے شمسی توانائی پر چلنے والے ٹیوب ویلز پر اعانت دی جارہی ہے۔انہوں نے کہا چولستان سمیت مختلف علاقوں میں مزید زمین قابل کاشت بنانے کیلئے اقدامات کئے جارہے ہیں۔قومی اسمبلی کا اجلاس آج دن گیارہ بجے دوبارہ ہوگا۔

Latest from Blog