ایس آئی ایف سی کی کوششوں سیشعبہ سیاحت کو30 ارب ڈالرآمدن کی توقع

گلگت(پی پی آئی)خصوصی سرمایہ کاری سہولت کونسل (ایس آئی ایف سی) کی کوششوں کی بدولت سیاحت کا شعبہ اگلے پانچ سے چھ سالوں کے دوران 30 بلین ڈالر سے زیادہ آمدنی حاصل کرنے کے لیے تیار ہے۔SIFC کے تعاون سے قائم کی گئی ‘گرین ٹورازم کمپنی نے خستہ حال سیاحت میں سرمایہ کاری کی ہے تاکہ اسے دوبارہ زندہ کیا جا سکے تاکہ پاکستان کو سیاحت دوست ملک کی حیثیت سے فروغ دیا جا سکے۔اس کوشش کے تحت تمام صوبوں کے باہمی تعاون کے ذریعے قلیل مدتی منصوبوں پر کام جاری ہے جیسے مناسب سروس انفراسٹرکچر اور طویل المدتی منصوبوں جیسے پائیدار ماحول دوست انفراسٹرکچر۔اس اقدام کے پہلے مرحلے میں ملک بھر سے 20 مقامات کا انتخاب کیا گیا ہے جن میں سے 25 فیصد گلگت بلتستان میں ہیں جن کے لیے ‘گرین ٹورازم کمپنی نے تین ارب روپے کی سرمایہ کاری کی ہے۔اس اقدام کے تحت گلگت بلتستان میں 300 سے زائد افراد کو براہ راست جبکہ 4000 سے زائد افراد کو بالواسطہ روزگار کے مواقع میسر آئیں گے۔یہ ایک ماحول دوست منصوبہ ہوگا جو مقامی ثقافت کو فروغ دیتا ہے جس میں مقامی خوراک، آرٹ اور قدرتی وسائل شامل ہیں۔

Latest from Blog