فلور ملز کی ہڑتال کے باعث محرم کے دوران ملک بھر میں آٹے کے بحران کا خدشہ

کراچی(پی پی آئی)فلور ملز ایسوسی ایشن کی ہڑتال کی وجہ محرم الحرام کے دوران ملک بھر میں آٹے کے بحران کا خدشہ پیدا ہوگیا۔تفصیلات کے مطابق ود ہولڈنگ ٹیکس کے باعث کراچی کی 95 فلور ملز نے گندم کی واشنگ روک دی ہے جس کے باعث آٹے کے بحران کا خدشہ پیدا ہوگیا ہے،پی پی آئی کے مطابق فلور ملز ایسوسی ایشن نے ملک بھر میں ہڑتال کا اعلان بھی کر دیا ہے۔چیئرمین فلور ملز سندھ زون عامر عبداللہ کا کہنا تھا کہ کراچی میں آٹے کی سپلائی بھی بند ہو جائے گی، انہوں نے کہا کہ لیبر فارغ بیٹھی ہے،  تمام فلور ملز احتجاجاً غیرمعینہ مدت کے لیے بند کرنے کا اعلان بھی کیا ہے۔