پی ٹی آئی کیلئے اپنے سوا کوئی صراط مستقیم نہیں ہے: شیری رحمٰن

اسلام آباد(پی پی آئی)پیپلز پارٹی کی نائب صدر  شیری رحمٰن نے کہا کہ حکومت پی ٹی آئی سے متعلق جو بھی کرنا چاہ رہی ہے یقین ہے ہم سے مشورہ کرے گی.پی پی آئی کے مطابق  شیری رحمٰن نے   میڈیاسے گفتگو کرتے ہوئے کہا کہ پی ٹی آئی کا رویہ سیاسی جماعت والا نہیں ہے، ان کی سوچ یہ ہے کہ میں ہوں تو ریاست ہے پاکستان ہے، ملک پر کلہاڑی چلاتے ہوئے یہ اپنی جڑیں خود کاٹ رہے ہیں، پی ٹی آئی مارو یامرجاو کی سیاست پر چل پڑی ہے، ان کیلئے اپنے سوا کوئی صراط مستقیم نہیں ہے۔