پی پی آئی کے بیورو چیف نواز کھوڑو کیلئے ماحولیاتی ایکسیلنس ایوارڈ

 کراچی(پی پی آئی)میڈیا کے لیے پاکستان کا سب سے بڑا سالانہ ماحولیاتی ایکسیلنس ایوارڈ پاکستان پریس انٹرنیشنل  کے بیورو چیف نواز کھوڑو کو سندھ کے وزیر ماحولیات دوست محمد راہموں اور عمان کے قونصل جنرل سمیع عبداللہ سلیم الخنجاری نے کراچی کے موون پک ہوٹل میں منعقدہ تقریب میں پیش کیا۔ ایوارڈز کا انتظام نیشنل فورم فار انوائرمنٹ اینڈ ہیلتھ (این ایف ای ایچ) نے کیا، جو اقوام متحدہ کی ماحولیاتی تحفظ ایجنسی  سے وابستہ ہے۔ یہ ایوارڈ ماحولیاتی مسائل، خاص طور پر موسمیاتی تبدیلی، قدرتی آفات، اور آبی آلودگی پر بہترین تحقیقی رپورٹیں لکھنے پر دیا جاتا ہے۔