گرفتاریوں پر ردعمل دے چکے،حماد اظہر کا استعفیٰ قبول نہیں، بیرسٹر گوہر

اسلام آباد(پی پی آئی) تحریک انصاف کے چیئرمین بیرسٹر گوہر نے کہا ہے کہ حماد اظہر کا استعفی قبول نہیں کیا ہے، حالیہ گرفتاریوں پر اپنا ردِعمل دے چکے ہیں۔بیرسٹر گوہر کا کہنا تھا کہ فیض حمید کی گرفتاری کا پارٹی اور لیڈر شپ کے ساتھ کوئی تعلق نہیں ہے، موجودہ گرفتاریوں پر ہمارا موقف صاف ہے، قیاس آرائیاں نہ کی جائیں۔ چیئرمین تحریک انصاف نے کہا کہ فوج کا اپنا کوڈ آف کنڈکٹ ہے، یہ ان کے اندرونی معاملات ہیں، ہمارا مؤقف ہے سویلین کا فوجی ٹرائل نہیں ہو سکتا۔