گھوٹکی کے قریب ٹریفک حادثہ،8 افراد جاں بحق، 4 زخمی

گھوٹکی(پی پی آئی) سکھر ملتان موٹروے پر گھوٹکی کے قریب ٹریفک کے خوفناک حادثے میں  8 افراد جاں بحق اور 4 زخمی ہوگئے۔موٹروے پولیس کا کہنا ہے کہ موٹر وے پر ڈرنگ ملوک والی کے قریب مسافر بس ٹرالر سے ٹکرا گئی۔زخمیوں میں خواتین اور بچے بھی شامل ہیں، لاشوں اور زخمیوں کو تحصیل اسپتال گھوٹکی منتقل کر دیا گیا ہے،پی پی آئی کے مطابق  حادثے میں تمام زخمیوں کی حالت تشویشناک ہے، جس کے باعث ہلاکتوں میں اضافے کا خدشہ ہے۔موٹروے پولیس کے مطابق بارش کے باعث ریسکیو میں مشکلات کا سامنا کرنا پڑا۔