28 اگست کو ہڑتال،یکم ستمبر سے رابطہ عوام مہم،حق دینا پڑے گا: حافظ نعیم الرحمان

(24نیوز)امیر جماعت اسلامی حافظ نعیم الرحمان ہم معیشت بند کرنے والے نہیں کھولنے والے ہیں۔ امیر جماعت اسلامی نے اپنے ایک بیان میں کہا ہے کہ ہم معیشت کا پہیہ چلانے والے لوگ ہیں، ایک دن کی ہڑتال معیشت چلانے کیلئے ہے، کوئی حمایت نہ کرے تب بھی جماعت اسلامی ہڑتال کرے گی، یکم ستمبر سے عوام رابطہ مہم شروع کریں گے۔ ان کا کہنا تھا کہ ہم معیشت بند کرنے والے نہیں کھولنے والے ہیں، یہ سارے کام پہلے بھی ہوتے رہے ہیں، آگے بڑھنا ہے،ہڑتال کو بھرپور طریقے سے کامیاب کرنا ہے، سب لوگ اپنے اپنے اہداف طے کرلیں،یہ لمبی لڑائی ہے، یہ لڑائی ہم عوام کیلئے لڑرہے ہیں،سب ہمارا ساتھ دیں۔ حافظ نعیم الرحمان نے کہا کہ اللہ نے چاہا تو بہت زیادہ فنڈز ملیں گے،لوگوں کو ریلیف دیں، عوام کو حق دو اور عوام کو فنڈ بھی ٹھیک سے دینا ہے، ہم ممبر سازی مہم بھی شروع کرنے جارہے ہیں، پوری مہم کے دوران کوئی دیہات چھوٹنا نہیں چاہیے۔