پاکستان کے بعد جرمنی سے بھی افغان شہریوں کا انخلاشروع

برلن(پی پی آئی)جرمنی نے ملک میں بڑھتی دہشتگردی کے واقعات کے باعث افغان شہریوں کو ملک بدر کرنا شروع کر دیا۔خیال رہے کہ پاکستان نے یہ فیصلہ کہیں پہلے کیا تھا جس پر عمل درآمد ہنوز جاری ہے۔ سیکیورٹی ذرائع کے مطابق قطر ایئرویز کی ایک چارٹرڈ پرواز نے کابل کے لیے لیپزگ ایئرپورٹ سے اڑان بھری جس میں 28 افغان شہری سوار تھے۔ جنہیں جرمنی کی جانب سے ملک بدر کیا گیا۔ 2021 میں طالبان انتظامیہ کے اقتدار میں آنے کے بعد جرمنی نے کابل میں اپنا سفارتخانہ بھی بند کر دیا تھا۔ 4 جون کو مبینہ طور پر ایک افغانی پناہ گزین کی جانب سے چاقو کے حملے میں پولیس اہلکار ہلاک اور 5 افراد زخمی ہو گئے تھے۔ جس کے بعد جرمنی نے افغان باشندوں کو ملک بدر کرنے سے متعلق غور شروع کیا۔ جرمن حکومت کے ترجمان اسٹیفن ہیبسٹریٹ نے ایک بیان میں کہا کہ ن جرائم میں ملوث افراد کو افغانستان بھیجنے کیلئے کئی ماہ جائزہ لیا۔ان کے مطابق جو لوگ جرمنی کی سلامتی کیلئے خطرہ ہیں۔ انہیں فوری طور پر ملک بدر کیا جانا چاہیے۔